Íþróttafélagið Boldklubben Isborg var stofnað 1. janúar árið 2003 í Herlev af nokkrum einstaklingum sem allir áttu það sameiginlegt að hafa áhuga á íþróttum. Megin hvatinn að stofnun Ísborgar var þörf fyrir fyrir aðstöðu til íþróttaiðkunar innandyra yfir vetrartímann fyrir börn og fullorðna. Frumkvöðlar að stofnun Ísborgar eru Sverrir Óskarsson og Gísli Vilberg Hjaltason. Stefna Ísborgar er að vera í virku sambandi við meðlimi félagsins. Félagið getur lagt niður deildir innan félagsins ef ekki næg þátttaka næst. Eins tekur Ísborg til greina allar góðar hugmyndir að nýjum deildum. Ísborg er löggilt félag í Danmörku og er það nauðsynlegt til þess að geta á kost á því að fá úthlutaða æfingatíma hjá okkar sveitafélagi. Ísborg heldur formlegan aðalfund árlega þar sem fullgildir meðlimir geta kosið í stjórn og farið er yfir önnur hefbundin aðalfundarstörf.