Fyrst heimaleikur Ísborgar fór fram í dag 26 apríl, og voru andstæðingarnir lið AZ Navour, sem fyrir leikinn í dag voru ósigraðir í 14 leikjum.

Það má fyrst taka fram að það var einstaklega gaman að sjá svona marga koma og horfa á leikinn í dag og vonandi að þetta sé það sem koma skal í sumar. Það væri jafnvel hægt að plana smá grillveislu eftir einhverja Laugardagsleiki í sumar.

Liðið:
Bjarki, Jón Ragnar, Steini, Jói Hermanns, Viddi, Siggi, Hannes, Óli G, Eyþór og Hörður.

Það kom fljótlega í ljós að AZ Navour er nokkuð sterkara lið en BB 2000 og sýndu fína spilamennsku þrátt fyrir að skapa sér fá marktækifæri.  Um miðjan fyrri hálfleik vann Jón Ragnar boltann á miðjunni og upp úr skyndisókninni skoraði Steini gott mark og þar með fyrsta mark Ísborgar í ár.  Ekki löngu síðar jöfnuðu AZ Navour eftir góða sókn þar sem þeir spiluðu sig nánast inn í markið.  
Mikil barátta var í leiknum og greinilegt að hvorugt liðið ætlaði sér að tapa.  1-1 var staðan í hálfleik og menn ákveðnir að koma sterkir til leiks í þeim síðari.  Þegar ca. 10 mínútur voru liðnar af seinni hálfleik vann Eyþór boltann upp við endalínu AZ Navourog með góðri tæklingu kom boltanum á Hörð sem skaut hnitmiðuðu skoti í fjærhornið og kom Isborgu í 2-1, glæsilega gert hjá þeim báðum.  Eftir markið skiptust liðin á að sækja og fengu Ísborgarmenn nokkur fín marktækifæri en markvörður AZ Navour var vel á verði í markinu.  AZ Navour jöfnuðu svo þegar um 10 mínútur voru eftir af leiknum og þar við sat og fyrsta stig Ísborgar í B-deild (3 deild) komið í hús.

Eftir tvær umferðir hefur Ísborg náð í eitt stig en geta í raun sjálfum sér um kennt fyrir að vera ekki með fullt hús stiga. Baráttan er til staðar og það er ekki spurning um að liðið á alla möguleika á að vera ofarlega í þessari deild.  Næsti leikur er gegn top liðinu og það verður gaman að sjá hvernig Ísborg getur tekið á þeim.  Leikurinn fer fram Laugardaginn 5. maí klukkan 13:30 í Valby.