Aðalfundur íþróttafélagsins Boldklubben Ísborg verður haldinn föstudaginn 27. mars næstkomandi á barnum í Centerinu, Kagsåkollegíinu, og hefst fundurinn stundvíslega klukkan 20:00. Dagskráin er eftirfarandi:
·Atburðir Ísborgar á síðasta kjörtímabili, formaður Ísborgar.
·Fjármál félagsins, gjaldkeri Ísborgar
·Kosning stjórnarmeðlima.
·Önnur mál
Athygli skal vakið á því að núverandi stjórn hefur ákveðið að bjóða sig fram til áframhaldandi setu í stjórn Ísborgar. Núverandi stjórn Ísborgar er skipuð eftirfarandi einstaklingum:
Formaður: Hafþór Hilmarsson
Gjaldkeri: Haraldur Daði Ragnarsson
Ritari: Ólafur Guðmundsson
Boðið verður upp á öl á meðan á fundi stendur.
Meðlimir Ísborgar eru hvattir til að láta sjá sig!
Nú er fótboltadeildinni lokið í ár og endaði Ísborg í 5. sæti. Fyrirfram var stefnt á efstu 2. sætin en það hafðist ekki þetta árið. Gengur vonandi bara betur næsta ár.
Nú er því vetrardagskrá Ísborgar hafin. Boðið verður upp á innanhúsfótbolta, körfubolta, badminton, kvennaskopp og barnaskopp í vetur og eru æfingatímarnir sem hér segir:
Knattspyrna: Spilað er í Buddinge Skole tvisvar í viku, á mánudagskvöldum klukkan 21:¨20 - 23:00 og fimmtudagskvöldum klukkan 21:30 - 23:00.
Körfubolti: Æft er tvisvar í viku, á mánudögum í Buddinge Skole klukkan 19:00 - 20:20 og á föstudögum klukkan 18:00 í Grøndal Centret.
Badminton: Æft er einu sinni í viku í Buddinge Skole á mánudögum klukkan 20:20 - 21:20.
Barnaskopp: Farið er í leiki með börnum og fullorðnum á föstudögum klukkan 17:00 í Gladsaxe Skole.
Kvennaskopp:Æfingar í Egegård Skole klukkan 20:00 á miðvikudögum.
Við hvetjum svo alla sem áhuga hafa að láta sjá sig á æfingum í vetur.
