Laugardaginn 18.febrúar 2012 mun Boldklubben Isborg í samstarfi við Icelandair í Kaupmannahöfn standa fyrir Icelandair Open hraðmótinu í innanhúss knattspyrnu, áttunda árið í röð. Tilgangur Icelandair Open er að fá íslenska fótboltaáhugamenn í Skandínavíu og á Íslandi til að hittast, spila fótbolta og hafa gaman af.

Dagskrá mótsins er á þá leið að á laugardagsmorgninum 18.febrúar hittast liðin stundvíslega þar sem leikar hefjast klukkan 10:00 í Gladsaxe íþróttahúsinu. Dregið verður í riðla kvöldinu áður af óháðum aðila.

Stuðst verður við almennar innanhúsfótboltareglur, með nokkrum breytingum þó. Leikið verður með böttum og eru fimm leikmenn frá hvoru liði inná hverju sinni. Hvert lið er skipað allt að 10 þátttakendum og eru frjálsar skiptingar allan leiktímann. Notast verður við hina margrómuðu „Futsal bolta“ sem eru sérhannaðir boltar fyrir innanhúsknattspyrnu. Enn hefur lengd leikja ekki verið ákveðin en hún verður ákveðin þegar fjöldi liða á mótinu liggur fyrir.

Verðlaunin verða í boði Icelandair og eru ekki af verri endanum, ásamt því að farandbikar er fyrir efsta sætið. Verðlaunaafhending fer fram strax og úrslit liggja fyrir en áætluð mótslok eru um klukkan 16:30.  

Þátttökugjald er 100 dKr á mann og innifalið í þeirri upphæð er öl og samlokur á laugardeginum, fyrir utan þátttökuréttinn á mótinu.

 

Skráningarfrestur er til 14. Febrúar næstkomandi.

Frekari upplýsingar sem og móttaka skráninga í mótið eru veittar með því að senda skeyti á isborgdk@gmail.com  

Kærar kveðjur,

Boldklubben Isborg og Icelandair

Föstudaginn 27. Janúar n.k. verður aðalfundur Boldklubben Isborg haldinn á barnum á

Eins og  árlega verður kosið í eftirfarandi nefndir og stöður á fundinum:

 

Formaður

Gjaldkeri

Ritari

 

Umsjónarmaður knattspyrnu karla x 2

Umsjónarmaður kvennadeildar

Umsjónarmaður körfuboltadeildar

Umsjónarmaður barnaskopps x 2

Umsjónarmaður spiladeildar

 

Framboð í eftirfarandi stöður tilkynnist í síðasta lagi miðvikudaginn 25. Janúar n.k. á isborgdk@gmail.com

 

Við hvetjum alla félagsmenn til að mæta á Aðalfundinn!

 

Með kveðju,

 

Stjórn Ísborgar

Næstkomandi laugardag (20. ágúst) kl. 14 mun fara fram bjórbolti, eftir boltann borðum við saman (pulsur eða pizzur, ákveðið þegar nær dregur). Þáttökugjald er 50 dkr. fyrir þá sem hafa borgað árgjaldið hjá Ísborg, en 100 dkr. fyrir aðra. Innifalið í því er bjór á meðan boltinn stendur yfir og byrgðir endast, einnig matur.

Skráningarmenn munu ganga í hús á mánudaginn eða þriðjudaginn og taka við skráningum, einnig er hægt að hafa samband við Vidda eða Einar ef þið búið ekki á kolleginu. Greiðslur og skráning fyrir bjórboltann verða að hafa borist til Vidda eða Einars fyrir n.k. fimmtudag.

Einnig verða Ísborgar peysur pantaðar bráðlega og hægt að hafa samband við Einar varðandi þær, en peysa mun kosta 220 dkr.  
 

Eftir dræma mætingu á æfingar þá virðist vera komið smá líf í þær aftur, og hafa síðustu 3 æfingar verið mjög flottar.

Æfingin í dag var frábær. Í flottu veðri með 14 leikmenn, og líklegast yngsta markaskorarann frá upphafi á æfingum. En sonur hans Gústa gerði sér lítið fyrir og setti 2 mörk strax í byrjun og tók Andra öxl í öxl :)

Deildarleikir sem verða spilaðir í ágúst eru:

09-08-11 18:00	Isborg Boldklub	Den Gule Far
15-08-11 17:15	GF-76	Isborg Boldklub
23-08-11 18:00	Isborg Boldklub	De Røde Djævle
30-08-11 18:00	Isborg Boldklub	Vittoria Vitale

Svo er bikarleikur við Guðrúnu, 17 ágúst. Þannig að það er þétt prógram framundan, og hafa allir möguleika á að taka þátt í leikjunum af þeim sem mæta á æfingar. Einnig er planið að reyna að hafa bjórbolta í ágúst og verður dagsetning á honum tilkynnt á næstu dögum.

Minni en og aftur á æfingatímanna:
Þriðju- og fimmtudaga kl 17 og laugardaga kl 10

Það fór fram flott æfing í smá rigningu í dag, ekki ónýtt að starta laugardeginum með smá hlaupi og vinna sér inn fyrir nokkrum köldum.

Í lok æfingarinnar fóru fram vítaspyrnukeppnir og þar helst frá að segja að hr. Ólafur sigraði báðar, spurning hvort að hann treystir sér á punktinn í leik þegar pressan er meiri?

Minni á æfingartímanna, það mun ekki koma oftar viðburður á facebook og verða alltaf æfingar á þessum tíma. Sama hversu margir mæta nema það sé leikur:

Þriðjudagar kl 17
Fimmtudagar kl 17
Laugardagar kl 10

Ísborg  vs. FC Komfort (Ísborg vs. Prtizan Kaukasus)

Lið Ísborgar var þannig skipað:

                                Einar Ingólfs

                        Hilmar   Benni    Fróði

                            Bjössi    Gústi

                                                                  Hermann

                                               Bekkur: Pétur, Gylfi, Hannes

Leikurinn fór fram á heimavelli okkar í Hammergårdskole eins og vanalega. Aðstæður voru fínar völlurinn í góðu ástandi, en kannski aðeins of mikil hreyfing á logninu í þetta skiptið. FC Komfort var í fyrsta sæti deildarinnar fyrir leikinn einu stigi fyrir ofan Ísborgu og höfðu þeir leikið einum leik fleiri. Þannig var ljóst að hart yrði barist enda tveggja stiga forskot á toppnum í húfi fyrir okkar menn.

Leikurinn byrjaði strax með látum og virtust gestirnir sprækir og vel spilandi. Eftir að heimamenn höfðu átt tvö fín færi til þess að komast yfir náðu gestirnir forystu eftir nokkrar snarpar sóknir. Markið kom eftir sjálfsmark okkar manna og er algjör óþarfi að vera að nefna nein nöfn tengt því enda ekki víst að Hilmar verði sáttur við það. Eftir þetta sóttu okkar menn í sig veðrið og spiluðu fínan fótbolta sem skilaði okkur góðu marki frá Bjössa eftir frábæran sprett frá Pétri upp hægri kantinn. Þegar fimm mínútur voru eftir af fyrri hálfleik var Hermanni og einum liðsmanni gestanna vikið af velli eftir létta glímu og voru því bæði lið einum færri það sem eftir lifði leiks.

Síðari hálfleikur hófst með miklum krafti hjá okkar mönnum og var gott flæði í spilamennsku okkar. Færin voru opin og þónokkur en ekki vildi boltinn í netið, sérstaklega ekki hjá sumum. Þegar um 15 mínútur voru eftir af leiknum fékk Hermann sitt annað gula spjald og þar með rautt fyrir að skora mark með hönd guðs sem var ekki samþykkt á einhvern óskiljanlegan hátt. Næstu fimm mínútur voru okkar mönnum mjög erfiðar og lágu andstæðingarnir þungt á okkur þar til einn af þeirra mönnum fékk einnig sitt annað gula spjald og jafnt var í liðum á ný. Eftir það má segja að heimamenn hafi haft yfirhöndina og þegar um fimm mínútur voru eftir af leiknum náði Gústi skora sigurmarkið með miklu harðfylgi. Rétt áður en ágætis dómari leiksins flautaði til leiksloka fengu gestirnir dauðafæri eftir misskilning í vörninni en Einar varði glæsilega og staðfesti að þar með að toppsætið væri okkar.

Lokatölur 2-1

Mörk: Bjössi og Gústi

Sjálfsmark: Hilmar :)

Rautt: Hermann

Maður leiksins: Það koma nokkrir til greina, en að mati undirritaðs er það Einar. Einar færði sig af miðjunni í markið í þessum leik og stóð sig með mikilli prýði þrátt fyrir að hafa ekki sett á sig hanskana í langan tíma.

Áfram Ísborg, alltaf, allsstaðar 

(Leikskýrslan sem gleymdist)

Ísborg vs. Partizan Kaukasus

Liðið var eftirfarandi

                                               Egill

           Hilmar   Benni    Einar Ingólfs

                                         Gústi     Bjössi

            Hermann

Bekkur: Pálmi, Gylfi, Hinrik

Leikurinn var allan tíman í höndum Ísborgarmanna sem leiddu 3-0 í hálfleik. Í síðari hálfleik í stöðunni 4-0 fékk Gústi gult spjald fyrir að reyna að hlaupa í gegnum markmann andstæðingana. Einum fleiri gengu gestirnir á lagið og náðu að minka forskotið í 4-2. Eftir að Ísborgarmenn fengu fullskipað lið að nýju var enginn spurning hvert stefndi og komumst við í 6-2 áður en þeir klóruðu í bakkann undir lok leiksins.

Lokatölur: 6-3

Við biðjumst velvirðingar á því hversu ónákvæm þessi skýrsla er, en hún bara gleymdist J

Mörk: Hermann 4, Bjössi 2

Maður leiksins: Hermann

Ísborg er komið á mikið skrið eftir tap í fyrsta leik. Því miður kom ekki leikskýrsla frá 3. og 4. umferð en þeir leikir fóru:

De Røde Djævle  1-5   Isborg Boldklub 
Markaskorarar: Janus 2, Gústi 2, Einar Ingólfs   

Vittoria Vittale 2-3 Isborg Boldklub   
Markaskorarar: Gústi 2, Hermann

Fimmti leikur tímabilsins var háður í Kløvermarken í dag gegn Lokomotiv Hoffenheim

Liðið var þannig skipað:
                     
                                      Egill

                    Einar      Benedikt      Hilmar
        
                           Hinrik        Gústi
                   
                                  Hermann

Erfiðlega gekk að safna í lið og mættu aðeins 7 menn til leiks, sem voru tilbúnir að gefa allt í þennan leik vopnaðir rauðum elixir sem gerði þá ósigrandi.      

Lokomotiv Hoffenheim stjórnuðu leiknum allan tímann og sóttu stíft á okkur. En undir leiðsögn Benna, sem stjórnaði vörninni eins og herforingi, þá náðum við að loka vel á þá þannig að þeir fengu ekki mörg opinn færi í fyrrihálfleik.
Skyndisóknir voru okkar vopn, og var því Hermann oft einnmanna frammi og þurfti að elta marga bolta sem var spyrnt í áttina að honum. Í fyrri hálfleik þá náðum við að skora bæði okkar mörk úr skyndisóknum, markaskorar voru Hinrik og Gústi.

Seinni hálfleikur spilaðist svipað og fengu Hoffenheim mörg færi til að skora og varði Egill oft frábærlega, við fengum líka okkar færi en náðum ekki að nýta þau. Gústi og Hinrik hlupu sitthvora 15 km, enda voru allar sóknir okkar mjög stuttar og voru þeir því allan tímann að spretta fram eða til baka.

Flottur sigur á móti góðu liði þó heppnin hafi verið með okkur.

Maður leiksins: Benedikt

Áfram Ísborg

1. Leivur Ejdesgaard                        3.120 DKK
2. Gylfi Björnsson                            1.430 DKK
3. Karl Ágústsson                             650    DKK
4. Árni Sigurður Hafdal
5. Viðar Bjarnason
6. Guðmundur Már Ketilsson
7. Lárus Ólafsson
8. Helgi Þór Helgason

Hér er listi yfir þá fjóra sem voru með flest hits í mótinu:

1. Gylfi Björnsson                            8
2. Leivur Ejdesgaard                        5
3. Árni Sigurður Hafdal                     4
4. Hannes Sigurðsson                      4

Annar leikur tímabilsins var háður við Hammergårdskole í bongóblíðu.

Byrjunarlið dagsins var:
                                            Birgir
                            Fródi                     Hjalti
                                            Bjössi
                        Gústi                                 Janus
                                            Hermann

Leikurinn byrjaði rólega og voru mótherjarnir vel skipulagðir framan af. Eftir 15 mín komust okkar menn yfir með góðu marki frá Hermanni. Eftir markið óx okkar mönnum ás meginn bættu við tveimur mörkum til viðbótar. Mótherjarnir náðu loks að klóra í bakkann og hálfleikstölur voru 3-1.
Í seinnihálfleik voru Ísborgarmenn með öll völd á vellinum og urðu lokatölur 7-2.

Leikurinn var vel spilaður af okkar hálfu þrátt fyrir að smá ryk sé enn í mönnum. Færin voru mörg og opin og hefði sigurinn hæglega getað orðið stærri.

Maður leiksins: Hermann

Mörk Ísborgar skoruðu: Hermann, Hermann, Hermann, Gústi 2, Bjössi 1, Janus 1

Áfram Ísborg

Fyrsti leikur sumarsins fór fram sunnudaginn 10. arpíl s.l. á gervigrasinu á Kløvermarken.

Byrjunarliðið var eftirfarandi:

                                                          Egill (M)

                                                Fróði            Benni

                                                            Hinrik

                                      Gústi                                Janus

                                                          Hermann

                    Varamenn: Höddi, Pálmi og Viddi

Leikurinn byrjaði rólega og fengu mótherjarnir að spila boltanum á milli sín. Okkar menn sóttu hratt þegar kostur gafst með beittum skyndisóknum. Þetta skilaði okkur tveimur góðum mörkum í forskot eftir um 20 mínútna leik. Rétt fyrir hálfleik skoruðu mótherjarnir slysalegt mark. Hálfleikstölur 2-1 fyrir Ísborg. Seinni hálfleikur var fjörugur og er óhætt að segja að Ísborg átti hættulegri færi og þóttu mun líklegri. Þegar um 15 mínútur voru eftir fékk Fróði gult spjald og var rekinn af velli í fimm mínútur. Mótherjarnir nýttu sér liðsmuninn og jöfnuðu leikinn.

Eftir þetta áttu Ísborgar menn tvö stangarskot, ásamt því að komast þrisvar sinnum í ákjósanleg marktækifæri einn á móti markmanni. Ísborgarmenn áttu að fá augljósa vítaspyrnu og jafnvel gult spjald á mótherjan þegar lítið var eftir. Undir lok leiksins laumuðu mótherjarnir inn sigurmarkinu sem var afar slysalegt.

Staðreyndin var 3-2 tap í fyrsta leik þar sem Ísborg var sterkari aðilinn, en það er óhætt að segja að það hafi verið mikill vorbragur á leik okkar manna. Það gengur vonandi betur í næsta leik.

Áfram Ísborg